View Profile
Reyna Joe a nase na Kòrsou, e ta kasá i tin dos yu adulto. El a
finalisá HAVO na Maria Immaculata Lyceum na Kòrsou i despues a bai
studia periodismo na Skol di Periodismo na Utrecht, Ulanda (1977). El
a kuminsá su karera profeshonal na radio i televishon na Radio
Nederland Wereldomroep na Hilversum, Ulanda, sigui pa un karera di 13
aña na e planta televishon nashonal na Kòrsou: Telecuraçao (Kanal
8).
Na 1989 el a kuminsá su empresa Bright Ideas & Services
(BISInc). Su trabou ta inkluí Marketing, Public i Press Relations,
skibimentu profeshonal, planifikashon di strategianan di
komunikashon, produkshonnan oudiovisual i organisadó di evento i
aktividat. Tambe e ta duna lès den e.o. komunikashon i etiketa na
trabou i ta coach profeshonalnan ku ke mehorá nan komunikashon
personal i profeshonal.
Reyna Joe ta organisadó di e konferensha
anual di hende muhé na Kòrsou (About Women and ..... Conferences) i
di e seminario anual pa plania karera (Career Strategy
Seminar
Reyna ta funshoná for di un vishon di bida diversifiká i e
ta kere ku ta derechi di tur hende di por para riba su mes pia. Den
su tempu liber e ta atendé ku su matanan espesialmente orkidia ku ta
su flor favorito. I e ta buskando konstantemente buki òf tópikonan
interesante pa presentá djadumingu atardi den su klup di lesamentu
den Bright World Park.
El a skohe pa biba na Kòrsou, despues di
tabatin bastante opshon pa biba i traha den paisnan di promé
mundu.
Pa komuniká ku Reyna Joe por manda un email na
info@notabel.com
Last Updated: Wed 2 Jun 2010, 5:01am