|
|
Kuida bo seksualidat, kuida bo kurpa, kuida bo mes.
Ta buska
Ensiklopedia di Antia Ulandes di 1948.
Si bo tin laga nos sa na
info@whobonaire.com òf na 561-2818
Studiantenan maskulino ta haña normal pa mea hende muhé ora ta baila
13 di desèmber 2008
Un investigashon hasí na Ulanda pa e korant di universidat di Groningen bou di studiantenan a mustra ku sigur 70 % di studiantenan hòmber ku nan a entrevistá a bisa ku nan ta haña ku nan mag mea un hende muhé ku nan ta baila kuné. Nan ta haña ku esaki sigur tin mag si e mucha muhé tin un saya mini bistí kompará ku si e tin un djins bistí.
E mesun investigashon a mustra ku e studiantenan hende muhé si no ta di akuerdo ku esaki, kuater di kada sinku studiante hende muhé ku nan a entrevistá a bisa ku esei no por.
E korant di e Universidat di e siudat Groningen a hasi e investigashon relashoná ku kehonan kresiente di studiantenan hende muhé kendenan no ta di akuerdo ku e komportashon di e hende hòmbernan ku nan ta topa ora ku nan sali.
Sikólogo Karlijn Massar di Rijksuniversiteit Groningen (RuG) kende tabata envolví ku e investigashon a konkluí ku e malkomprondementu entre e muchanan muhé i hòmber ku ta sali pa pasa bon ta bini pasobra hóbennan maskulino ta kibuká nan mes ora ta trata interes seksual di hende muhé.
“Hende hòmber ku sali pa parandiá tin den nan kabes ku nan ta bai skor ku hende muhé i asina ei drumi ku nan tambe i nan ta spera ku e hende muhé ku bai sali tambe lo ke mesun kos”.
E komportashon di e muchanan hòmber ta dependé di nan ta formando parti di un grupo òf si e ta bai ‘yag’ su so.
Kiko ta abo su opinion riba e tópiko aki? Laga nos sa na info@seksualidat.com.
Violensia den relashon
Partisipá, para wak; akseptá òf tolerá?
Kompilá i skibí pa Reyna Joe© - 16 di yüni 2008
Bo sa topa e situashonnan ei. Kaminda ku un hende ku bo konosé i ke bon, ta den un relashon kaminda e hende ku aparentemente stim’é ta dal e i papia malu kuné i tin biaha di dje. Esaki por ta den privá pero tin biaha tambe den públiko. Òf kisas ku abo mes ta den un situashon di maltrato i abusu.
Un situashon asina aki por pasa ku hende muhé i ku hende hòmber. Pero den e artíkulo aki nos ta papia den kaso ku e ta pasa ku un hende muhé, di kualke edat.
Hopi hende muhé ta keda den un relashon amoroso kaminda ku nan ta pasa den abusu i ta keda dominá kompletamente pa nan frei, kasá òf kompañero di bida. Sigui lesa......
Sèks no por ta mas importante ku bo salú
Wak kiko bo ta guli!
13 di mart 2008 - Skibí pa Reyna Joe
Willemstad – Inspektor di remedi di Antia drs. George Vos den un komunikado emití e siman aki a informá ku no ta pèrmití mas pa importá ni kumpra produktonan ku tin den nan e sustansha Yohimbine. Ta trata aki di dos mata originalmente di Afrika kualnan ta Pausinystalia yohimbe i Coryanthe yohimbe di kua ta raska i garna e parti pafó di kaska di e palu i ta usa esaki pa e.o. komo remedi pa ora hende hòmber tin problema pa haña erekshon, pa bahamentu di peso i pa trata depreshon.
Inspekshon di remedi di Antia alertando komunidat kompleto a bisa ku mester paga tinu si e produkto ku nan ke kumpra ta kontené Yohimbine òf otro derivadonan di Yohimbe pasobra esakinan ta produktonan prohibí riba merkado di Kòrsou i di Antia.
No ta pèrmití pues tampoko den niun forma importashon di produktonan ku tin Yohimbine òf otro derivadonan di Yohimbe. I si tin hende ku a kumpra e produktonan aki via di Internèt lo no duna pèrmit pa importashon ke men ku bo ta pèrdè bo plaka.
Hopi hende ku akseso na Internèt awendia ta kumpra produktonan pa stimulá nan mes seksualmente. Espesialmente hende hòmbernan ku ke ta hopi aktivo seksualmente ta trata na yuda anan kurpa ku produktonan ku tin riba merkado (internashonal). Sinembargo ta masha poko hende ta tuma tempu pa nan wak kiko tin di bèrdat den e loke nan ta guli i tambe pa wak kiko ta konsekuensianan di e produkto riba nan kurpa.
Hopi biaha ku un hende haña un problema médiko riba edat mas haltu e no ta kai ariba ku ta pasobra el a usa sierto produkto na hóben ku e ta bira malu. I tristu ta si un hende a usa produkto pa stimulá aktividat seksual ku resultá ku ta nèt e produktonan aki ta bai pone ku riba tèrmino largu e no por haña erekshon mas ke men ku su pénis no ta funshoná mas pa sèks. Sigui lesa......